Äs freutmi dass du ämal innr luägischt. Zämä mid miirä Frau Heidi und ünschäm Buäb Dario betriebänd miär äs Wandrleitr-undrnämä. Dür mini gross Ärfahrig in und mit dr Natur angfangä als Puurä- und Hirtäbuäb, de als Fischer, Jäger, Förster, bini zläbä lang in dr Natur undrwägs. Drum chani diär au viel da drvan zeigä und wiitrgän.
Nienä findmä d Ruä so gschwind und nachhaltig, wie in dr Natur. Na ärä hübschä Wandrig ischt mä ganz än andrä Mensch. Mä hed widrm Gäduld, Kraft, und Usduur, dHerusfordärigä vom Alltag zmeischtärä.
So wemmr de midänand gä Ärholä, Ärläbä und Gniessä...
Miär freuänd ünsch uf dii...
Name: Nicolaus ( Chlasi ) Alter: mitte 50 Beruf: Förster Tätigkeit: Wander/Bikewegsignalisatör,Wanderleitungen , Kursleiter Pferdeeinsatz im Wald, Pilzexperte, Hausmann Hobbys: Familie ( Enkelkinder), Hund, Jagd, Fischen
Name: Heidi Alter: mitte 50 Beruf: Kinderkrankenschwester Tätigkeit: Mütterberaterin und Stillberaterin Hobbys: Familie, Reisen, Wandern, Pilzeln...
Name: Dario (mit Schwester Simona) Alter: mitte 20 Beruf: Holzingenieur ( im Abschluss) Tätigkeit: Studium auf der FH-Biel Hobbys: Wandern, Reisen, Schneesport
